手剁肉餅

以前冇諗過自己會剁肉餅，覺得超麻煩，但試過之後其實比想像中容易，肥瘦自己控制到，而且冇被渾入頭頭尾尾雜碎，乾淨衛生。

是次因太晏，超市只賣剩黑芝麻絹豆腐，幸好味道也 ok。

肉餅材料：梅頭瘦肉半斤、紹興酒、生抽、老抽、麥皮、生粉、水、橄欖油、胡椒粉各少許。

先將梅頭肉冲洗並切粒，再剁一會即可 (不要剁太耐太碎，否則口感盡失)，放入密實袋 (或厚身保鮮袋)，加入醃料隔著袋外搓勻，撻 ~ 5－10分鐘至起膠，有時間醃耐 D 才用細火蒸會較入味。