羅漢果蜜

天時暑熱 ( 昨天大暑呢！)，除了可以煲冬瓜湯，我就煲了綠豆薏米糖水、炒苦瓜魚鬆、羅漢果蜜清暑熱，羅漢果蜜甜甜地潤喉清熱又潤滑腸道，雪凍飲，係有益健康又冇添加糖的消暑飲品！

做法非常簡單，滾起大半煲水，落半個洗淨外皮並掐細件的羅漢果煲 20分鐘便可；或煲5分鐘熄火焗半小時，來回重複兩三次亦可。

點滴分享：

。。因羅漢果偏寒涼，如體質屬於虛寒，記得加 D杞子一齊煲

。。揀羅漢果時除了表面有 D絨毛外，還要搖一搖，若發出 "咯咯" 聲響便不要買，因已放太久或壞了。