來自星加坡的你... x 2

炎炎夏日，總會想飲下甜甜地凍飲，我自己就好喜歡以下呢個紅石榴山竹果汁，我第一次認識佢係去星加坡旅行時飲過佢蘆薈蘋果汁和橙汁，兩款都幾好飲，回來香港後才發現超市也有出售，從此便愛上，要推介這款紅石榴山竹味的，酸酸甜甜好醒胃，又冇額外添加糖，有益過飲汽水！

另一款番石榴汁味道也不錯

巧合地另一樣想介紹的食品又係來自星加坡；自己平時好耐先會食一次即食麵，因為多食致癌唔健康，但如果想食我會揀呢個叻沙即食麵，因為呢款係非經油炸，市面少見，而且佢個叻沙味道做得幾似。

呢個牌子還有其他味道選擇，不過未必款款非經油炸哦，所以要睇清楚包裝；超市特價時 HK$25 有兩包，一包內有4個麵。

叻沙湯麵雖然好食，但記得淺嘗湯汁就算，因為 D湯仍然高鈉！